Igl elefant dall’umbriva
Nadine Robert & Valerio Vidali
CHF 22.00
Ord il franzos da Dominique Candrian
Sudeva tier la selecziun dals Financial Times Best Children’s Book of 2021 sco era dals 100 Outstanding Books – Frankfurt 2019.
Termin da publicaziun 23 da schaner 2023
»Igl elefant dall’umbriva« ei ina historia d’in elefant che ei attristaus. Igl elefant para da vivir en in auter mund che ses leghers amitgs dalla savanna. Entochen il di ch’el emprenda d’enconuscher la miur. Lezza emprova buc da consolar el sco tschells, ella vul mo seser sper el.
Quei cudisch d’affons tracta sin moda admirabel delicata da la tristezia e melanconia. »Igl elefant dall’umbriva« ei in cudisch da maletgs marviglius per ils pigns ed in commuentont cudisch da confiert e amicezia per ils grons.
Certs dals animals da la savanna manegian, ch’igl elefant vegli zuppar siu cumber. Auters, ch’el seigi simplamein pli bugen ell’umbriva che el sulegl. In suenter l’auter emprovan els da consolar e dar cor ad igl elefant, da far vegnir el sin auters patratgs. Mo tut lur emprovas giden nuot. Lu vegn ina miur sperasvi. Ella plidenta el, sesa sper el e raquenta, sco ella ei vegnida en miseria. Igl elefant teidla tier tut consternuzs.
Essientscha ei in dun ambizius – per affons e per carschi medemamein. Ad igl elefant dall’umbriva gartegia ei da anflar la ballanza denter tristezia, capientscha ed attaschonza emoziunala. El muossa: Mintgaton eis ei en uorden dad esser trests ed era da muossar ei. Igl ei era en uorden da buc haver ina sperta sligiaziun. Ed il meglier po ei esser da renconuscher ils sentiments dals auters senza attribuir ad els ina valetada.
»Igl elefant dall’umbriva« ei in graschel cudisch cun gron effect: subtil, sabi e incantont en maletg e text.
