L’elefant da la sumbriva
Nadine Robert & Valerio Vidali

CHF 22.00

Our dal frances da Lara Glisenti

Faiva part da la selecziun dal Financial Times Best Children’s Book of 2021 e dals 100 Outstanding Books – Frankfurt 2019.

Termin da publicaziun: 23 da schner 2023

Il cudesch »L’elefant da la sumbriva« raquinta l’istorgia d’ün elefant chi’d es deprimo. Que pera cha l’elefant viva in ün oter muond cu sieus amihs da la savanna. Ma ün bel di cumpara üna mürina. Ella nu prouva scu tuot las otras bes-chas da cufforter l’elefant, ella vuless dimpersè be tschanter dasper el…Quist cudesch d’iffaunts arcuntschieu tratta da la tristezza e da la melancolia. »L’elefant da la sumbriva« es ün cudesch müravglius pels pitschens, ma eir ün cudesch d’amicizcha e cuffort pels grands.

Qualche bes-chas illa Savanna dischan cha l’elefant vuless zupper sia tristezza. Otras crajan ch’el preferescha simplamaing la sumbriva al sulagl. Üna zieva l’otra prouvane d’incurascher l’elefant ed al mner uschè sün oters impissamaints. Ma üngüna nun ho success. Fin ch’üna mürina al chamina speravi. Ella cumainza a discuorrer cun l’elefant, as tschainta sper el ed al raquinta cu ch’ella es riveda in quista situaziun da misiergia. L’elefant la taidla tuot consterno…

Avair üna tscherta sensibilited es ün’abilited pretensiusa – per iffaunts scu eir per creschieus. L’elefant riva da persvader traunter tristezza, incletta ed affecziun emoziunela. In quist möd do que ün inscunter genuin. Minchataunt es que in uorden dad esser trist ed eir da musser que. E que es eir in uorden da nun avair adüna üna soluziun directa. Il meglder saregia d’accepter ils sentimaints dals oters sainza ils valüter svess.

»L’elefant da la sumbriva« es ün cudeschin cun grand effet: subtil, sabi e fascinant in sieus purtrets scu eir i’ls pleds. Nus d’eirans telmaing commoss da quist cudesch cha nu pudaivans resister da fer ün’excursiun davent da nos program da literatura e da cudeschs documentars. Nus als vulains metter a cour quist cudesch our da trais motivs: scu cudesch d’iffaunts, scu regal plain orma per amihs chi drouvan cuffort e scu ultim:  scu cudesch davart la forza da quinter ün’istorgia.

Artikelnummer: 978-3-03930-049-5 Kategorien: , , , Schlagwort:

Beschreibung

Pressestimmen

»In diesem Bilderbuch über die Traurigkeit geht es um einen Elefanten, der im wörtlichen wie auch im übertragenen Sinne blue ist. (…) Traurigkeit, so lernen wir, lässt sich nicht immer beheben, aber man kann sie verstehen.«

The Financial Times

 

»Die klaren Kompositionen des Buches (…) reduzieren die dramatische Handlung auf das Wesentliche. Die Farbpalette, die von samtigen, farbenprächtigen Blautönen dominiert wird, verstärkt die emotionale Wirkung des Buches (…). Eine tief empfundene, höchst einfühlsame Geschichte darüber, wie wertvoll es ist, seine Sorgen mit anderen zu teilen.«

Kirkus

Zusätzliche Informationen

Version

Gebunden

Format

29.5 x 24.5 cm

Seiten

40